من يوم ما دخلت الفوركس وأنا دايما محتار
محتار ما بين اليورو و الين و الدولار

ابيع الزوج وفجأة ألاقى السعر طار
ويوم ما أحب أشتريه و أقول هو القرار
السعر على طول ينزل وأقعد اقشر خيار
كأنى جوز أمة و كأن ما بينا تار
طب أعمل أية يا عالم دليلى خلاص أحتار
ابيع ولا أشترى احترت فى الأختيار
لا أستراتيجية نافعة والمؤشرات كتار
فجأة لقيتها قدامى أستراتيجية أحلامى
كأنها أكلة حلوة بيتزا ومليانة سلامى
رحت قوام قريتها ماشلتيهاش من قدامى
ورحت فى أوهام كتيرة فيلا وعربية أحلامى
طبعا حاتسألونى مين هى اللى فى كلامى
حبيبة الجمهور الترند المكسور
لا تقولى توصيات ولا أى أفتكسات
هى مافيش غيرها اللى أخترتها بالذات
الموضوع ببساطة ومن غير تعقيدات
أتنين موفينج أفرج وظبط الأعدادات
على 9 و 30 وأقعد زى البهوات
وتحط المومينتم وتستنى التقاطعات
وترسم الترند على 3 شمعات
يكونوا متباعدين و بينهم أوقات
ويكون الترند يوم على الأقل مش لحظات
وبعدين تقعد يا معلم وتستنى النقاط
شايفين البساطة والخفة والألاطة
مش محتاجة جهبز و ألذ من الشيكولاتة
وخلى بالك دايما عشان تبقى ناجح
لازم تتابع دايما وتسمع النصائح
وبلاش الطمع يا أبنى تبقى فوركساوى ناجح
وفى النهاية دايما أحب أقول أكيد
اتمنى لكم الأرباح و أموال الوليد
وكلوا يجيب اليخت والفيلا و الشالية
بس ماتسوش أخوكم مزنوق فى نص جنية