السلام عليكم

ازيكم يا احلي شباب؟؟ و اخبار السوق معاكم ايه؟؟ يا رب يكون كل شيء تمام و ربنا يوفقكم جميعا

انا مش هطول عليكوا و هفهمكوا معني العنوان الغريب اللي انا كاتبه ده و ان شاء الله يبقي موضوع مفيد لنا جميعا ان شاء الله..

طبعا غريب جدا اني اقول سكالبينج سوينج لان الاتنين عكس بعض تماما لان الاسكالبينج بيبقي سريع و هدفه صغير انما السوينج بيبقي صفقة لفترة طويلة ولكن هدفها كبير و برده ستوب كبير

طيب الناس هتقلي طب امال ازاي يعني اسكالبينج سوينج؟؟؟

الاجابة بسيطة جدا اني هعمل صفقة اسكالبينج بس سوينج...!!!!

بمعني اصح علشان مش تحتاروا معايا انا عايز اخد مميزات الاسكالبينج و مميزات السوينج و ابعد عن عيوب الاسكالبينج و عيوب السوينج..

انا عايز صفقة سريعه و في نفس الوقت هدفها كبير..

و مش عايز ستوب كبير بس عايز الهدف يكون كبير و مضمون..

طبعا ناس هتقلي استحالة ..

هقلكم هيه طريقة واحده بس محتاجة شوية تعليم و بحث علشان نعرف نوصل لكل اللي عايزينه..

الطريقة هي الاخبار .. بس مش اي اخبار .. احنا عايزين الاخبار اللي اول متنزل تعمل فرقعه في اي اتجاه ميهمناش نبقي عارفين الاتجاه يهمنا نعرف الخبر امتي و ساعتها نتصرف

طيب هنتصرف ازاي لما نعرف الخبر امتي؟؟؟

قبل الخبر ب 5 دقايق هنحط امرين علي بعد مثلا 20 نقطه او 30 نقطه فوق و تحت امر اعلي السعر شراء و امر تحت السعر بيع و نعمل احتياطي علشان لو حصل اي غدر من السوق الستوب لوز هوه الامر التاني ...

معني كده لو الخبر هيخلي السعر يهبط بمجرد صدور الخبر يتفعل الامر اللي تحت يجيب النقاط بتاعته بسرعه كبيرة جدا نقفل الصفقة و الحمد لله علي كده و العكس صحيح طيب لو الصفقة الي تحت اتفعلت و بحركة غدر في لحظة السعر ارتد هيبقي الستوب مش اكتر من 60 نقطه و كمان اكيد لما السعر هيرتد و يفعل الامر الثاني هيجيب شوية نقاط يعوضوا الصفقة الاولي الخسرانة و بكده ان شاء الله هنخرج بربح كبير يفرحنا جميعا او بخسارة قليلة تتعوض بصفقة تانية ان شاء الله...

الموضوع ده انا فاتحة مش علشان نقول توصيات او حاجه .. انا فاتح الموضوع علشان اي حد عنده اي معلومة عن خبر قادم قوي ( اهم حاجه يكون قوي) نتكلم في الخبر هنا و نتعامل معاه بشكل جيد و يا ريت لو حد يعرف ايه هي اهم الاخبار القوية اللي فعلا بتعمل انقلاب في السوق او حركة سريعة في اتجاه محدد بعدد نقاط كبير و ميهمناش اللي يحصل بعدها..

يا ريت كلنا نساعد بعض و كلنا نفيد بعض في الموضوع ده و اتمني يكون فاتحة خير علينا جميعا و اتمني اكون افدت حد بطريقة انا شايفها كويسة جدا و مريحة كمان و الاهم من ده هتخليك مش يحصلك العكس و تقع في فخ الاخبار و الستوبات اللي بتضرب بسبب الاخبار

شكرا و منتظر رايكم...